ბრიტანეთის თავდაცვის სამინისტრო - რუსეთი, დიდი ალბათობით, ბახმუტის ცენტრისკენ დაწინაურდა
რუსეთმა, როგორც ჩანს ბახმუტში მნიშვნელოვან წინსვლას მიაღწია, - ამის შესახებ გაერთიანებული სამეფოს თავდაცვის სამინისტროს ანგარიშშია აღნიშნული.
უწყების ინფორმაციით, რუსული ძალები, დიდი ალბათობით, ბახმუტის ცენტრისკენ დაწინაურდნენ და მდინარე ბახმუტკას დასავლეთ სანაპირო დაიკავეს.
„რუსებმა მიაღწიეს გარკვეულ წინსვლას, ქალაქის ცენტრისკენ დაწინაურდნენ და მდინარე ბახმუტკას დასავლეთ სანაპირო დაიკავეს“, - აცხადებენ ბრიტანეთის თავდაცვის სამინისტროში.
მათივე შეფასებით, არსებული სიტუაციის გამო, ქალაქის დასავლეთით, შეიარაღებული ძალების მიწოდების ძირითადი მარშრუტი სერიოზული საფრთხის ქვეშ იქნება.
„რუსეთის რეგულარულმა ძალებმა, მათ შორის საჰაერო-სადესანტო ჯარებმა, სავარაუდოდ, გაამაგრეს ტერიტორია და რუსეთი, ამ სექტორში, არტილერიას კვლავ ეფექტურად იყენებს“, - ნათქვამია ანგარიშში.
