რუსეთში დაკავებულ ამერიკელ ჟურნალისტს ჯაშუშობის მუხლით ბრალდება წარედგინა.

რუსული მედიის ინფორმაციით, დაკავებული კორესპონდენტი 32 წლის ევან გერშკოვიჩია და ის The Wall Street Journal-ში მუშაობდა.

დაკავებულმა „ეფესბეს“ მიერ წარდგენილი ბრალდება არ აღიარა და განაცხადა, რომ რუსეთში მხოლოდ ჟურნალისტური საქმიანობის გამო იყო ჩასული. ევან გერშკოვიჩს ორთვიანი წინასწარი პატიმრობა აქვს შეფარდებული.

გამოძიების ვერსიით, ამერიკული მხარის დავალებით ის აგროვებდა ინფორმაციას, რომელიც სახელმწიფო საიდუმლოს წარმოადგენს და რუსეთის სამხედრო-სამრეწველო კომპლექსის ერთ-ერთი საწარმოს საქმიანობას ეხებოდა.