რუსეთის ფედერაციის უშიშროების საბჭოს თავმჯდომარის მოადგილე, დიმიტრი მედვედევი დარწმუნებულია, რომ უკრაინა გაქრება, რადგან ის არავის სჭირდება.

მედვედევი სოციალურ ქსელში აქვეყნებს პუბლიკაციას სახელწოდებით : „რატომ გაქრება უკრაინა? იმიტომ, რომ ის არავის სჭირდება“.

პოსტი დაყოფილია ექვს პუნქტად, სადაც მედვედევს მოაქვს „არგუმენტები“, რატომ არ არის საჭირო უკრაინა.

მისი მტკიცებით, უკრაინა არ სჭირდება არც რუსეთს, არც ევროპას, აშშ-ს, აფრიკას, ლათინურ ამერიკას ბოლოს, თავად უკრაინის მოქალაქეებს.

მედვედევი უკრაინას „სსრკ-ის დაშლის შედეგად წარმოქმნილ გაუგებრობას“ უწოდებს.

„რუსეთის ნაწილები, რომლებსაც 1991 წლის საზღვრებში უკრაინა ეწოდა, მხოლოდ სსრკ-ს დაშლის შედეგად წარმოქმნილი გაუგებრობაა. ასე რომ, ჩვენ არ გვჭირდება ის. ჩვენ გვჭირდება დიდი რუსეთი“, - წერს მედვედევი.

მისი თქმით, „ასეთი უკრაინა პლანეტაზე არავის სჭირდება. ამიტომაც არ იარსებებს".