შიიტები კადრის ღამეს აღნიშნავენ

9, 11, 13 აპრილს შიიტი მუსლიმები ერთ-ერთ მნიშვნელოვან დღესასწაულს - კადრის (ლაილათ ალ-კადრ) ღამეს აღნიშნავენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

ინფორმაციაში აღნიშნულია, რომ მათი რწმენით, სწორედ ამ ღამეს გარდმოევლინა წინასწარმეტყველ მუჰამადს ღვთიური წიგნის, ყურანის პირველი აიები.

„ტრადიციით ითვლება, რომ კადრის ღამე ათას თვეზე მეტია, ამიტომაც მუსლიმები ცდილობენ ეს ღამე ლოცვაში გაატარონ. იგი აღინიშნება რამადანის თვის ბოლო დეკადაში.

რელიგიის საკითხთა სახელმწიფო სააგენტო ულოცავს შიიტური მიმდინარეობის მუსლიმ თემს დღესასწაულს, სიკეთეს და საყოველთაო მშვიდობას უსურვებს მათ“, - აღნიშნულია ინფორმაციაში.