„ბერი ანდრიას ფონდისთვის“ საქველმოქმედო პროექტი ხორციელდება
10 აპრილს საქართველოს პარლამენტის ეროვნული ბიბლიოთეკის საგამოფენო დარბაზში, მოსწავლე-ახალგაზრდობის ეროვნული სასახლის ანსამბლ „სიმის“ პროექტ „თანადგომის“ ფარგლებში, საქველმოქმედო კონცერტი გაიმართა. ამის შესახებ ინფორმაციას საქართველოს პარლამენტის ეროვნული ბიბლიოთეკა ავრცელებს.
მათივე ცნობით, ღონისძიება ეროვნული ბიბლიოთეკის დირექტორმა გიორგი კეკელიძემ გახსნა.
„კონცერტზე მოწვეულნი იყვნენ „ბერი ანდრიას ფონდის“ ბენეფიციარები. საქველმოქმედო ღონისძიებაზე შემოსული თანხა მთლიანად მათ გადაეცათ.
ღონისძიება ეროვნული ბიბლიოთეკის მხარდაჭერით გაიმართა. მოსწავლე-ახალგაზრდობის ეროვნული სასახლის ანსამბლი „სიმი“ ფონდ „გურული დღიურების“ სტიპენდიატიც იყო“, - ნათქვამია ინფორმაციაში.
