გრიგოლ რობაქიძისა და ტალინის უნივერსიტეტების ერთობლივი ვებინარი რუსეთ-უკრაინის ომს მიეძღვნა
გრიგოლ რობაქიძის სახელობის უნივერსიტეტმა ტალინის უნივერსიტეტთან ერთად ერთობლივ ვებინარს თემაზე - „რუსეთ-უკრაინის ომი“ უმასპინძლა.
გრიგოლ რობაქიძის უნივერსიტეტიდან ლექციას პროფესორი ინგა ცინცქილაძე უძღვებოდა, ხოლო ტალინის უნივერსიტეტიდან - პროფესორი მეთიუ კრენდალი.
გრიგოლ რობაქიძის სახელობის უნივერსიტეტის ცნობით, გრუნის პროფესორმა დაწვრილებით განიხილა რუსეთ-უკრაინის ომი და მისი ზეგავლენა კავკასიის რეგიონზე, კონკრეტულად, საქართველოსა და მის ევროპულ მისწრაფებებზე. პროფესორმა კრენდალმა კი ისაუბრა ესტონეთზე ომის ზეგავლენის შესახებ.
რექტორის მრჩეველმა, ანა აბესაძემ, უნივერსიტეტს სახელით მადლობა გადაუხადა ტალინის უნივერსიტეტის წარმომადგენელს წარმატებული თანამშრომლობისთვის. რექტორის მოადგილემ, საჯარო მმართველობისა და პოლიტიკის სკოლის დეკანმა, პროფესორმა გიორგი მირიანაშვილმა კი ყურადღება გაამახვილა სადისკუსიო თემის მნიშვნელობაზე.
პრეზენტაციების შემდეგ, გრუნის სტუდენტებს საშუალება ჰქონდათ ემუშავათ ჯგუფებში ესტონელ და საერთაშორისო სტუდენტებთან ერთად და გაემართათ დისკუსიები განსახილველ საკითხთან დაკავშირებით.
