დევი ჭანკოტაძე - თავდაცვის ახალი კოდექსი პირდაპირი კორუფციის წყაროა და კავშირში ძლიერ ჯართან და რეზერვთან არ არის

თავდაცვის ახალი კოდექსი არის პირდაპირი კორუფციის წყარო - ამის შესახებ საპარლამენტო ფრაქცია „ერთიანი ნაციონალური მოძრაობის“ დეპუტატმა, დევი ჭანკოტაძემ განაცხადა.

როგორც მან აღნიშნა, თავდაცვის ახალი კოდექსი არ არის კავშირში ძლიერ ჯართან და რეზერვთან.

„ეს კოდექსი, რომელიც ახლა არის განხილული, არის პირდაპირ კორუფციის წყარო. ეს ფული, რომელიც უნდა წასულიყო ბიუჯეტში, წავა ჩინოვნიკის ჯიბეში. მე ამას ვხედავ, როგორც საბჭოთა კავშირის დროს მოქმედი სამხედრო კომისარიატების აღდგენის მცდელობა და, რა თქმა უნდა, ვარ ამის წინააღმდეგი. „რუსულ ოცნებას“ არ აქვს არავითარი სურვილი, რომ საქართველოს ჰყავდეს ძლიერი ჯარი და ძლიერი რეზერვი, რადგან ჩვენ ვიცით, რომ ომს რეზერვი იგებს“, - განაცხადა დევი ჭანკოტაძემ.