ამერიკის შეერთებული შტატების პრეზიდენტის, ჯო ბაიდენისა და გაერთიანებული სამეფოს პრემიერ-მინისტრის, რიში სუნაკის ორმხრივი შეხვედრა ჩრდილოეთ ირლანდიაში უკვე დასრულდა.

ბრიტანეთის პრემიერის, რიში სუნაკის განცხადებით, ჯო ბაიდენთან ძალიან კარგი დისკუსია ჰქონდა მთელ რიგ საკითხებთან დაკავშირებით.

მისივე თქმით, ორი ქვეყნის ლიდერებმა განიხილეს ინვესტიციები ჩრდილოეთ ირლანდიაში, თუმცა ასევე შეეხნენ საერთაშორისო პოლიტიკურ საკითხებს და ეკონომიკური უსაფრთხოების მნიშვნელობას. ამასთან, რიში სუნაკმა აღნიშნა, რომ ჯო ბაიდენთან მისი შეხვედრა გასულ თვესაც შედგა და თეთრი სახლის ლიდერს მომავალ თვეში G7-ის ფარგლებშიც შეხვდება. რიში სუნაკის შეფასებით, „ურთიერთობები საუკეთესო მდგომარეობაშია“.