ალეკო ელისაშვილი - პროევროპულ პოლიტიკურ ძალებს ევროპელი პენსიონერების ქურდი აფინანსებს, ხომ მაგარია? - მაგ ხალხთან არაფერი მაქვს საერთო, ხალხსაც არ უნდა, ხომ ნახეთ 9 აპრილს

პროევროპულ პოლიტიკურ ძალებს აფინანსებს ევროპელი პენსიონერების ქურდი, ხომ მაგარია?, - ამის შესახებ პარტია „მოქალაქეების“ ლიდერმა, ალეკო ელისაშვილმა „პალიტრანიუსის“ გადაცემა „360 გრადუსში“ განაცხადა.

აღნიშნული განცხადებით, ის BBC-ს მიერ მილიარდ დოლარიან თაღლითურ სქემასთან დაკავშირებით გამოქვეყნებულ სტატიას გამოეხმაურა, რომლის ერთ-ერთ მთავარ ორგანიზატორად დავით კეზერაშვილია მოხსენიებული.

ალეკო ელისაშვილის თქმით, იმ ოპოზიციონერებთან, ვინც კეზერაშვილისგან ფულს იღებს, ხოლო მერაბიშვილისგან დავალებებს, საერთო არაფერი აქვს.

„პროევროპულ პოლიტიკურ ძალებს აფინანსებს ევროპელი პენსიონერების ქურდი, ხომ მაგარია? - მაგ ხალხთან მე არაფერი მაქვს საერთო. კეზერაშვილისგან რომ ფულს იღებენ და ვანო მერაბიშვილისგან დავალებებს, იმ ხალხთან არაფერი მაქვს საერთო. ხალხსაც არ უნდა, ხომ ნახეთ 9 აპრილს. სამი ტელევიზია ხომ ატრიალებდა რეკლამას - არიქა და გამოდით. „ნაციონალური მოძრაობის“ ლიდერები არ იძახდნენ მარტში ჩვენ გამოვიყვანეთ ხალხიო? ხომ დაითვალეს თავისი თავი 9 აპრილს?“, - განაცხადა ალეკო ელისაშვილმა.

ალეკო ელისაშვილის თქმით, კეზერაშვილი რომ 11 წელია დაუსჯელად ძარცვავს ევროპელ პენსიონერებს, ესეც კი „ქართული ოცნების“ კისერზეა, რადგან ისინი დავით კეზერაშვილთან გარიგებაში იყვნენ.

„კეზერაშვილი რომ იშვიათი გარეწარია, რად გვინდოდა ამისთვის BBC-ის გამოძიება? ერთადერთი კაცი საქართველოში, 2008 წლის აგვისტოს ომის მერე, ვინც ბედნიერი იყო, იყო კეზერაშვილი. მას შემდეგ, რაც საწყობები გაძარცვეს, განსაკუთრებით უფლისციხის ცენტრალური საწყობი, რუსებმა, კეზერაშვილმა, ალბათ, ცხვარი დაკლა ან ხარი ბედნიერებისგან, რადგან მანამდე რაც ჰქონდა მოპარული, მიდი და გაიგე ახლა. დავლურს ცეკვავდა ბედნიერებისგან. ისედაც კი ჰქონდა ჰეროინი მიღებული და ბედნიერი დარბოდა იმ დღეებში. კეზერაშვილი აქ იყო და ქართული ჯარი გაძარცვა, ევროპაში წავიდა და ევროპელი პენსიონერები გაძარცვა, თან მილიარდ დოლარს მეხუმრებით? ვინ შეარჩენს?

მაგრამ ისიც უნდა ვთქვათ აუცილებლად, რომ ეს ცოდვაც კი „ქართული ოცნების“ კისერზეა. კეზერაშვილი რომ 11 წელია დაუსჯელად ძარცვავს ევროპელ პენსიონერებს, ზუსტად იმიტომ, რომ მილიონ გარიგებაში იყო „ქართულ ოცნებასთან““, - განაცხადა ალეკო ელისაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია