უკრაინის პრეზიდენტმა, ვოლოდიმირ ზელენსკიმ ლუგანსკის და სუმის ოლქების სახელმწიფო ადმინისტრაციების ახალი ხელმძღვანელები დანიშნა.

პრეზიდენტის ვებ-გვერდზე გამოქვეყნებული განკარგულებების თანახმად, ლუგანსკის რეგიონალური სახელმწიფო ადმინისტრაციის ხელმძღვანელად არტემ ლისოგორი დაინიშნა, სუმის ოლქის ადმინისტრაციას კი ვოლოდიმირ არტიუხი უხელმძღვანელებს.

ლუგანსკის ოლქს 15 მარტამდე სერჰი გაიდაი ხელმძღვანელობდა, სუმის ოლქის სახელმწიფო ადმინისტრაციის ხელმძღვანელის პოსტი კი 24 იანვრამდე დმიტრი ჟივიცკის ეკავა.

ლუგანსკის ოლქის უმეტესი ნაწილი რუსების მიერაა ოკუპირებული, სუმის ოლქს კი რუსული ძალები ყოველდღე ბომბავენ.