ფინანსთა მინისტრმა, ლაშა ხუციშვილმა და EIB-ის ვიცე-პრეზიდენტმა, ტერეზა ჩერვინსკაიამ საერთაშორისო სავალუტო ფონდისა და მსოფლიო ბანკის ჯგუფის ყოველწლიური საგაზაფხულო შეხვედრის ფარგლებში გამართული შეხვედრისას, ევროპის საინვესტიციო ბანკსა (EIB) და საქართველოს შორის თანამშრომლობის საკითხები განიხილეს.

ინფორმაციას ფინანსთა სამინისტრო ავრცელებს.

უწყების ცნობით, საუბარი იმ პროექტების მიმდინარეობას შეეხო, რომელსაც ევროპის საინვესტიციო ბანკი ქვეყნისთვის პრიორიტეტული მიმართულებების მხარდასაჭერად ახორციელებს.

„აღსანიშნავია, რომ EIB საქართველოს ერთ-ერთი ყველაზე მსხვილი პარტნიორი და ინვესტორია ქვეყნის ინფრასტრუქტურის განვითარების პროცესში. ხაზი გაესვა EIB-ის ჩართულობას კერძო სექტორის გაძლიერების კუთხით.

შეხვედრას ფინანსთა მინისტრის მოადგილეები - გიორგი კაკაურიძე, მირზა გელაშვილი და ეკატერინე გუნცაძე დაესწრნენ“, - აღნიშნულია ინფორმაციაში.