უკრაინაში რუსული აგრესია გრძელდება. რუსეთის ძალების მიერ უკრაინის დონეცკის ოლქის ქალაქ სლავიანსკის დაბომბვას, ბოლო მონაცემებით, ცხრა ადამიანი ემსხვერპლა. დაბომბვის შედეგად დაღუპულთა შორის ორი წლის ბავშვია. დაშავებულია სულ მცირე 20 ადამიანი.

უკრაინული მხარის ცნობით, რუსეთის არმიამ სლავიანსკის მიმართულებით „S-300“-ის ტიპის შვიდი რაკეტა გაუშვა, საიდანაც ექვსი საცხოვრებელ სახლებს მოხვდა.

უკრაინის გენშტაბის ინფორმაციით, ომის დაწყებიდან დღემდე მტრის დანაკარგები 181 550-ზე მეტ ჯარისკაცს, 3 600-ზე მეტ ტანკს და 307 თვითმფრინავს შეადგენს.