სუდანში, გასამხედროებულ დაჯგუფებასა და ქვეყნის არმიას შორის შეტაკებებს 56 მშვიდობიანი მოქალაქე და ათობით მებრძოლი ემსხვერპლა
სუდანის სამხედროებმა ქვეყანაში კონტროლის აღდგენის მიზნით, გასამხედროებული ძალების ბაზაზე, ქალაქ ომბურმანში, დედაქალაქთან ახლოს, საჰაერო დარტყმები განახორციელეს, - ინფორმაციას Reuters-ი ავრცელებს.
გამოცემის ცნობით, ავიადარტყმებს წინ უძღოდა შეტაკებები, რასაც ათობით მებრძოლი და სულ მცირე 56 მშვიდობიანი მოქალაქე ემსხვერლა.
სუდანში გასამხედროებულ დაჯგუფება „სწრაფ მხარდამჭერ ძალებსა“ და ქვეყნის არმიას შორის დაპირისპირება მოხდა. „სწრაფი მხარდამჭერი ძალების“ ინფორმაციით, პრეზიდენტის სასახლეზე, არმიის მეთაურის რეზიდენციასა და ხართუმის საერთაშორისო აეროპორტზე კონტროლი დაამყარეს, თუმცა, არმიამ ინფორმაცია უარყო.
სუდანში სამოქალაქო მმართველობის ჩამოყალიბება „სწრაფი მხარდამჭერი ძალების“ არმიაში ინტეგრაციას ითვალისწინებს. გასამხედროებული დაჯგუფება პროცესის 10 წლით გადავადებას ითხოვდა, თუმცა არმიის მეთაურობამ განაცხადა, რომ ეს ორი წლის ვადაში უნდა მოხდეს.
