აშშ-ის ალაბამას შტატში, 16 წლის მოზარდის დაბადების დღის წვეულებაზე მომხდარი სროლის შედეგად სულ მცირე ოთხი ადამიანი დაიღუპა.

მედიის ინფორმაციით, სროლა ქალაქ დედევილში, Mahogany Masterpiece Dance Studio-ში მოხდა. დაშავებულია 28 ადამიანი, ზოგიერთი მათგანის მდგომარეობა მძიმეა.

პოლიციას, ჯერჯერობით, ეჭვმიტანილის ან თავდასხმის მოტივის შესახებ დეტალები არ გაუვრცელებია.

შტატის სამართალდამცავი უწყების სერჟანტმა ჯერემი ბურკეტმა განაცხადა, რომ გამოძიება გრძელი, რთული პროცესი იქნება.

მედიის ინფორმაციით, სავარაუდოდ, დაღუპულთა და დაშავებულთა უმეტესობა მოზარდები არიან.