Amnesty International-მა და გაერო-ს ადამიანის უფლებათა დაცვის ხელმძღვანელმა, ვოლკერ ტურკმა გაავრცელეს განცხადებები, რომლებიც კრემლის კრიტიკოსის, ვლადიმერ კარა-მურზას მიმართ გამოტანილ განაჩენს გმობენ.

"სამოქალაქო საზოგადოების სისტემატური რეპრესიების შემზარავი მაგალითი, რაც სტალინის ეპოქის რეპრესიებს მოგვაგონებს", - Amnesty International-ის მიერ გამოქვეყნებულ განცხადებაში.

ორგანიზაციის შეფასებით, კარა-მურზას სინდისის პატიმარად მიიჩნევენ, რადგან ის „მხოლოდ პოლიტიკური რწმენისთვის“ გაასამართლეს და ის დაუყოვნებლივ და უპირობოდ უნდა გათავისუფლდეს.

კარა-მურზას მიმართ გგგამოტანილ განაჩენთან დაკავშირებით განცხადება გაავრცელა გაერო-ს ადამიანის უფლებათა უმაღლესმა კომისარმა, ვოლკერ ტურკმაც და რუსეთის ხელისუფლებას მისი გათავისუფლებისკენ მოუწოდა.

„კარა-მურზა გაასამართლეს ბრალდებებით, რომლებიც, როგორც ჩანს, დაკავშირებულია მისი აზრის გამოხატვისა უფლების ლეგიტიმურ განხორციელებასთან, მათ შორის უკრაინაზე რუსეთის ფედერაციის შეიარაღებული თავდასხმის საჯარო კრიტიკასთან. არავის არ უნდა ჩამოერთვას ადამიანის უფლებებით სარგებლობის უფლება და მოვუწოდებ რუსეთის ხელისუფლებას, დაუყოვნებლად გაათავისუფლოს ის“, - აღნიშნულია ვოლკერ ტურკის განცხადებაში.

რუს ოპოზიციონერს, ვლადიმერ კარა-მურზას, რომელიც უკრაინაში რუსეთის მიერ გაჩაღებულ ომს საჯაროდ გმობს, სახელმწიფოს ღალატისთვის და სხვა ბრალდებებისთვის 25 წლით თავისუფლების აღკვეთა მიესაჯა. კარა-მურზას ადვოკატმა CNN-ს განუცხადა, რომ ისინი განაჩენს გაასაჩივრებენ.