ნატო-ს მოკავშირეებმა უკრაინას მეტი იარაღი და საბრძოლო მასალა უნდა მიაწოდონ, - ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

სტოლტენბერგმა ეს განცხადება სოციალურ ქსელში გავრცელებულ პენტაგონის იმ დოკუმენტზე კომენტირებისას გააკეთა, რომელშიც აღნიშნულია, რომ უკრაინას საჰაერო თავდაცვის საბრძოლო მასალა, შესაძლოა, მალე ამოეწუროს. ალიანსის გენერალურმა მდივანმა აღნიშნა, რომ სამხედრო დახმარება გადამწყვეტია ტერიტორიების დასაბრუნებლად უკრაინელების დასახმარებლად.

„ვაღიარებთ უზარმაზარი რაოდენობით იარაღს, საბრძოლო მასალას, მარაგებს, რომელიც უკვე მიეწოდება უკრაინას, მაგრამ კიდევ უფრო მეტი უნდა გავაკეთოთ, რათა დავრწმუნდეთ, რომ უკრაინელები იყვნენ ისეთ მდგომარეობაში, სადაც მათ შეუძლიათ გაათავისუფლონ, დაიბრუნონ ტერიტორიები“, - აღნიშნა სტოლტენბერგმა.