გურამ მაჭარაშვილი - არ შეიძლება პრეცედენტი დავუშვათ, რომ საკანონმდებლო ორგანომ შეამოწმოს, დაიბაროს მოსამართლეები

არ შეიძლება პრეცედენტი დავუშვათ, რომ საკანონმდებლო ორგანომ შეამოწმოს, დაიბაროს მოსამართლეები, - ამის შესახებ უმრავლესობის დეპუტატმა გურამ მაჭარაშვილმა განაცხადა.

მისივე თქმით, რეფორმებთან დაკავშირებით საგამოძიებო კომისიები არ იქმნება.

„ძალიან ცუდია, როდესაც საქართველოს პარლამენტის წევრი ვერ იგებს იმას, რომ დამოუკიდებელი ქვეყნის საკანონმდებლო ორგანო, უნდა ზრუნავდეს, რათა სასამართლოს დამოუკიდებლობა უზრუნველყოს. ეს არის მთელი ქვეყნის და პირველ რიგში, ხალხის მიერ არჩეული პარლამენტის საზრუნავი. შეიძლება კითხვები, პრეტენზიები გქონდეს, მაგრამ, თუნდაც პარტნიორი ქვეყნის ელჩი, აბსოლუტურად არგუმენტის გარეშე რომ ამბობს, კორუფციასთან დაკავშირებით უნდა დასანქცირდეს მოსამართლე, პარლამენტის წევრს კი კითხვა არ გიჩნდება და პირდაპირ ამბობ, რომ უნდა შეიქმნას საპარლამენტო კომისია, ამავე დროს გიკვირს რატომ იცავს საპარლამენტო უმრავლესობა დამოუკიდებელი მართლმსაჯულების მოსამართლეებს და მოსამართლეების დამოუკიდებლობას, ეს არის სწორედ პრობლემა.

გუშინ ვნახეთ, რომ აბსოლუტურად სრული სერიოზულობით ეუბნებოდნენ პარლამენტის თავმჯდომარეს, რომ ჩვენ ახლა კვარტალში და წელიწადში ერთხელ ძლივს შევიკრიბეთ 50 ადამიანი და რას ჰქვია გადადოთ კენჭისყრაო, ხვალ და ზეგ რაღა შეგვკრებსო?! ეს არის ჩვეულებრივი მონური ფსიქოლოგია, როცა შინაარსში არ შედიხარ და რა მნიშვნელობა აქვს შინაარსს, მთავარია, ეს თქვა აშშ-მა.

უმრავლესობის პოზიციაა, რომ არ შეიძლება პრეცედენტი დავუშვათ, რომ საკანონმდებლო ორგანომ შეამოწმოს, დაიბაროს მოსამართლეები და მათ შორის ოპოზიციას ექნება მცდელობა, რომ კონკრეტულ საკითხებთან დაკავშირებითაც დაიბაროს მოსამართლეები. ეს არის დაუშვებელი. არცერთ ქვეყანაში ასეთი რამ არ მომხდარა. როცა კონკრეტულ საკითხთან დაკავშირებით გინდა საგამოძიებო კომისიის შექმნა, უნდა დამარწმუნო, რომ კონკრეტული შემთხვევა არსებობს, არის კითხვები. ეს არ ყოფილა. რეფორმებთან დაკავშირებით საგამოძიებო კომისიები არ იქმნება“,- განაცხადა მაჭარაშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი