კვლევის მიხედვით, საქართველოს, ბავშვთა სიღარიბის შემცირების მიმართულებით, დიდი წარმატება აქვს, - ამის შესახებ ჯანდაცვის მინისტრის მოადგილემ, თამარ ბარკალაიამ „გაეროს ბავშვთა ფონდის“ მიერ მომზადებულ კვლევასთან დაკავშირებით განაცხადა. ინფორმაციას ჯანდაცვის სამინისტრო ავრცელებს.

მისივე თქმით, კვლევაში ხაზგასმულია, რომ ბოლო წლებში, საქართველოს მთავრობამ, ბავშვის დახმარების პროგრამა მნიშვნელოვნად გააფართოვა და ფულადი დახმარების ოდენობა გაზარდა, რაც მისივე განმარტებით, ბავშვების მოწყვლადი ჯგუფების სოციალურ-ეკონომიკურ მდგომარეობაზე მნიშვნელოვნად დადებითად აისახა.

„საქართველოს, ბავშვთა სიღარიბის შემცირების მიმართულებით, დიდი წარმატება აქვს. თუ გავითვალისწინებთ, პანდემიის ფაქტორს და იმას, რომ რეგიონსა და მსოფლიოში, ბავშვთა სიღარიბე პანდემიის შემდგომ გაიზარდა, საქართველოში, ბავშვთა სიღარიბე იკლებს. ეს მთავრობის მიერ განხორციელებული პოლიტიკის შედეგია,“ - განაცხადა ჯანდაცვის მინისტრის მოადგილემ.