აშშ და პარტნიორები რუსეთში პრაქტიკულად ექსპორტის სრულ აკრძალვას განიხილავენ. წყაროებზე დაყრდნობით ინფორმაციას ამის შესახებ გამოცემა Bloomberg-ი ავრცელებს.

გამოცემის თანახმად, აღნიშნულ საკითხს G7-ის მაღალჩინოსნები მაისში იაპონიაში დაგეგმილ სამიტამდე განიხილავენ. მათ მთავარ მიზანს ინიციატივისადმი ევროკავშირის სახელმწიფოების მიერთება წარმოადგენს. ახლა წინადადება ჯერ კიდევ განიხილება და შეიძლება შეიცვალოს.

როგორც მედია წერს, მიდგომა, რომელიც ახლა განიხილება, მნიშვნელოვნად შეცვლის სასანქციო რეჟიმს - ასეთ შემთხვევაში მთლიანი ექპორტი იქნება აკრძალული, გარდა გამონაკლისებისა. ახლანდელი სასანქციო რეჟიმით კი მთლიანი ექსპორტი დაშვებულია, თუ იგი სანქციებს არ ექვემდებარება.

Bloomberg-ის წყაროს თანახმად, ექსპორტის აკრძალვა დიდი ალბათობით არ შეეხება წამლებსა და სასოფლო-სამეურნეო პროდუქციას, კერძოდ საკვებ პროდუქტებს.