„ლელოს“ ლიდერები ტვერელის ეკლესიასთან მცხოვრებ მოსახლეობას შეხვდნენ
"ლელო საქართველოსთვის" ლიდერები ირაკლი კუპრაძე, საბა ბუაძე, გრიგოლ გეგელია და თაზო დათუნაშვილი მთაწმინდაზე, მიქაელ ტვერელის ეკლესიასთან მცხოვრებ მოსახლეობას შეხვდნენ.
როგორც „ლელოს“ ლიდერები აცხადებენ, მერიის „დანაშაულებრივი ნებართვა“ კულტურული მემკვიდრეობის ძეგლსა და ლანდშაფტს ანადგურებს.
„დღეს კიდევ ერთხელ შევხვდით ტვერელის ეკლესიის ირგვლივ მცხოვრებ მოსახლეობას - ამჯერად „ლელოს“ უფრო დიდი შემადგენლობით. ვისაუბრეთ იმაზე თუ რა ნაბიჯები უნდა გადაიდგას ამ უდიდესი პრობლემის მოსაგვარებლად. წარმოუდგენელი ვანდალიზმია ის, რასაც კალაძე ჩვენს ქალაქს უკეთებს. მთაწმინდის უნიკალურ ლანდშაფტს და კულტურულ მემკვიდრეობას სასწრაფოდ ესაჭიროება გადარჩენა”, - აცხადებს საკრებულოს „ლელოს" ფრაქციის თავმჯდომარე საბა ბუაძე.
