ავსტრიამ 2 მილიარდამდე ევროს ღირებულების რუსული აქტივები გაყინა
ავსტრიამ, რუსეთის უკრაინაში შეჭრის შემდეგ, თითქმის 2 მილიარდი აშშ დოლარის ღირებულების რუსული აქტივები გაყინა, - ამის შესახებ ფინანსთა მინისტრმა, მაგნუს ბრუნერმა აშშ-ის ფინანსთა მინისტრის მოადგილესთან, ბრაიან ნელსონთან შეხვედრის შემდეგ განაცხადა.
"დღეს ვენაში შევხვდი აშშ-ის ფინანსთა მინისტრის მოადგილეს ტერორიზმთან და ფულის გათეთრებასთან ბრძოლაში, ბრაიან ნელსონს. სტრატეგიულ ღერძს ევროკავშირსა და აშშ-ს შორის, განსაკუთრებით უკრაინის ომის ფონზე, დიდი მნიშვნელობა აქვს", - დაწერა ავსტრიის ფინანთა მინისტრმა „ტვიტერზე“.
მან ხაზი გაუსვა, რომ რუსეთის წინააღმდეგ სანქციების ეფექტური გამოყენება ავსტრიის, ევროპისა და შეერთებული შტატების ინტერესებშია.
„მხარს ვუჭერთ დასავლეთის სანქციებს აგრესორის წინააღმდეგ და ომის დაწყების შემდეგ თითქმის 2 მილიარდი ევროს ღირებულების ფინანსური აქტივები გავყინეთ“, - აღნიშნა მაგნუს ბრუნერმა.
