ოთხფეხა მეგობრებზე ზრუნვა რე|ბანკის სოციალური პასუხისმგებლობის ნაწილია, რომლის ფარგლებშიც 2019 წლიდან დღემდე არაერთი სოციალური პროექტი განახორციელა.

წელს Animal Project-თან ერთად დაიგეგმა მიუსაფარი ცხოველების სტერილიზაცია/კასტრაცია ქალაქ ზუგდიდში, რისთვისაც რე|ბანკმა გამოყო 15 000 ლარი. სტერილიზიაცია ჩაუტარდება ასამდე მიუსაფარ ძაღლს.

ცხოველის გასტერილების შემდეგ:

• პოზიტიურად იცვლება ცხოველის ქცევა - მცირდება აგრესია და ტერიტორიის მონიშვნის სურვილი;
• მნიშვნელოვნად მცირდება გადამდები ინფექციური დაავადებების რისკი; ხდება სიმსივნური დაავადებების პრევენცია;
• დაახლოებით 3-5 წლით იზრდება ცხოველის სიცოცხლის ხანგრძლივობა;
• შემცირდება ქუჩაში მყოფი ცხოველების რაოდენობა და უკონტროლო გამრავლება.

ბევრი შინაური ცხოველი ქუჩაში ყოველგვარი ზრუნვის და თავშესაფრის გარეშე ცხოვრობს, განსაკუთრებით მძიმეა მათი მდგომარეობა რეგიონებში. სტერილიზაცია/კასტრაცია მიუსაფარი ცხოველების პოპულაციის მართვის, მსოფლიოში აპრობირებული, ეფექტური და ჰუმანური მეთოდია, რომელსაც Animal Project-ის გუნდი რე|ბანკის მხარდაჭერით განახორციელებს.

ინფორმაციას "რე ბანკი" ავრცელებს.