წიგნის ჩუქების დღეს ეროვნული ბიბლიოთეკის მოძრაობა „ეკვილიბრიუმი“ პალდოს სამხედრო ბაზას ესტუმრა. ამის შესახებ ინფორმაციას ეროვნული ბიბლიოთეკა ავრცელებს.

მათივე ცნობით, 23 აპრილს, წიგნისა და საავტორო უფლებების საერთაშორისო დღეს საქართველოში წიგნის ჩუქების დღეც დაწესდა და ის უკვე რამდენიმე წელია მასშტაბურად აღინიშნება. წიგნის ჩუქების აქციაში ჩართულია თითქმის ყველა წიგნის მაღაზია და არაერთი კომპანია.

როგორც გავრცელებულ ინფორმაციაშია ნათქვამი, ეროვნული ბიბლიოთეკის საგანმანათლებლო მოძრაობა „ეკვილიბრიუმი“, რომელიც წლების განმავლობაში თითქმის ყოველდღიურადაა ჩართული ამ პროცესში, ამ დღესაც საგანგებოდ გამოეხმაურა. ამასთან, ბიბლიოთეკის წარმომადგენლები პალდოს სამხედტო ბაზას ესტუმრნენ.

„23 აპრილი წიგნის ჩუქების დღედ საქართველოში 2019 წელს დავაწესეთ. მალევე Biblusi • ბიბლუსი შემოგვიერთდა, მერე უკვე უამრავი კომპანია და ადამიანი. დღეს ეს თარიღი ამ ნიშნითაც გრანდიოზულად აღინიშნება. ჩვენ კახეთში პალდოს სამხედრო ბაზასას ვესტუმრეთ და იქ დავარიგეთ წიგნები”, - განაცხადა ეროვნული ბიბლიოთეკის დირექტორმა გიორგი კეკელიძემ.