ფინეთის საგარეო საქმეთა მინისტრი - საქართველომ უნდა შეასრულოს გაცემული დაპირება, რომ შიდა სიტუაციას დაასტაბილურებს
ის, რასაც საქართველოსგან ველოდებით, არის, რომ ისინი დაიცავენ ევროკავშირის მითითებებს და მხარს დაუჭერენ ევროკავშირის საგარეო პოლიტიკას, - ამის შესახებ ფინეთის საგარეო საქმეთა მინისტრმა, პეკა ჰავისტომ განაცხადა.
ფინეთის საგარეო უწყების ხელმძღვანელმა უპასუხა შეკითხვას რა მოლოდინები აქვთ საქართველოსთან დაკავშირებით, რომელსაც ევროკავშირის წევრობის კანდიდატის სტატუსის მიღება სურს.
„საქართველომ უნდა შეასრულოს გაცემული დაპირება, რომ შიდა სიტუაციას დაასტაბილურებს. მე მაქვს საუბარი ქართველ პოლიტიკოსებთან და ის, რასაც საქართველოსგან ველოდებით, არის, რომ ისინი დაიცავენ ევროკავშირის მითითებებს და მხარს დაუჭერენ ევროკავშირის საგარეო პოლიტიკას“, - აღნიშნა ფინეთის საგარეო საქმეთა მინისტრმა.
