პრემიერი - ჩვენ 30 მლნ ლარამდე ვაფინანსებთ დიაბეტის მქონე ყველა ბავშვს, წელს კიდევ უფრო გავაფართოვეთ ეს სერვისები, ანალიზებსა და მკურნალობას ყველაფერს სრულად ვაფინანსებთ
პრემიერ-მინისტრი ირაკლი ღარიბაშვილი მთავრობის დღევანდელ სხდომაზე დიაბეტის მქონე ბავშვებისთვის მოქმედ პროგრამას გამოეხმაურა.
მისი განცხადებით, მთავრობა დაახლოებით 30 მლნ ლარით აფინანსებს დიაბეტის მქონე ყველა ბავშვს, რა სერვისებიც წელს კიდევ უფრო გაფართოვდა.
„მინდა რამდენიმე სიტყვით გამოვეხმაურო დიაბეტის მქონე ბავშვების პროგრამას. ჩვენ დაახლოებით, 30 მლნ ლარამდე ვაფინანსებთ ყველა ბავშვს. წელს კიდევ უფრო გავაფართოვეთ ეს სერვისები იმის მიხედვით, რაც რაც სჭირდებათ - ანალიზებისა და მკურნალობის ჩათვლით, ყველაფერს სრულად ვაფინანსებთ. ჩვენ ასევე, შემოვიტანეთ მონიტორინგის სისტემები და სენსორები, რომელიც მუდმივად ზომავს გლუკოზის დონეს ბავშვებში. ჩვენ მაქსიმუმს ვაკეთებთ რაც შეგვიძლია, ამიტომ, რა თქმა უნდა, მიუღებელია დეზინფორმაცია და კრიტიკა, რომელიც ამ დღეების განმავლობაში ვრცელდება,“- აღნიშნა პრემიერმა.
