რუსულ გემებს კასპიის ზღვის გავლით დიდი რაოდენობით ირანული საარტილერიო ჭურვები და სხვა საბრძოლო მასალა გადააქვთ, რაც ქმნის სულ უფრო მეტ პრობლემას ამერიკის შეერთებული შტატებისა და მისი მოკავშირეებისთვის, რომლებიც ცდილობენ დაარღვიონ მოსკოვსა და თეირანს შორის თანამშრომლობა. ამის შესახებ სტატიას The Wall Street Journal-ი აქვეყნებს.

The Wall Street Journal-ი მაღალჩინოსნებსა და იმ დოკუმენტებზე დაყრდნობით, რომლებსაც სტატიაზე მუშაობისას გაეცნო, წერს, რომ უკანასკნელი 6 თვის განმავლობაში გემებმა ირანიდან რუსეთში 300 000-ზე მეტი საარტილერიო ჭურვი და მილიონო საბრძოლო მასალა გადაიტანეს.

სტატიის თანახმად რუსეთისთვის ირანიდან სამხედრო აღჭურვილობის მიწოდებასთან დაკავშირებით სადაზვერვო ინფორმაცია ამერიკის შეერთებულ შტატებს მიეწოდა.

იარაღის უკანასკნელი პარტია, რომელიც კასპიის ზღვის გავლით რუსეთში აღმოჩნდა, ირანიდან მარტის დასაწყისში გავიდა და 1000 კონტეინერში მოთავსებული 2000 საარტილერიო ჭურვი გადაიტანა.