მსოფლიო, ისევე როგორც ცივი ომის წლებში, მიუახლოვდა სახიფათო და შესაძლოა, კიდევ უფრო სახიფათო ზღვარს. ამის შესახებ რუსეთის საგარეო საქმეთა მინისტრმა სერგეი ლავროვმა გაერო-ს უშიშროების საბჭოს სხდომაზე გამოსვლისას განაცხადა.

„ჩვენ ისევ, როგორც ცივი ომის წლებში, მივუახლოვდით სახიფათო და, შესაძლოა, კიდევ უფრო სახიფათო ზღვარს. სიტუაციას ამძიმებს მრავალმხრივობისადმი რწმენის დაკარგვა, როდესაც დასავლეთის ფინანსური და ეკონომიკური აგრესია ანადგურებს გლობალიზაციის სარგებელს. როდესაც შეერთებული შტატები და მისი მოკავშირეები ტოვებენ დიპლომატიას და მოითხოვენ დაპირისპირებას „ბრძოლის ველზე". ეს ყველაფერი - გაერო-ს კედლებშია, რომელიც შეიქმნა ომის საშინელებების თავიდან ასაცილებლად. პასუხისმგებელი, საღად მოაზროვნე ძალების ხმები, მოწოდებები, რომ აჩვენონ პოლიტიკური სიბრძნე, დიალოგის კულტურის აღორძინება, ჩაძირულია მათ მიერ, ვინც აიღო კურსი სახელმწიფოთაშორისი ურთიერთობების ფუნდამენტური პრინციპების შელახვის მიზნით“, - განაცხადა ლავროვმა გაერო-ს უშიშროების საბჭოს სხდომაზე გამოსვლისას.

ის გამოვიდა მოწოდებით, დაუბრუნდნენ საწყისებს - გაერო-ს წესდების მიზნებისა და პრინციპების დაცვას „მთელი მათი მრავალფეროვნებითა და ურთიერთკავშირებით“.