ვოლოდიმირ ზელენსკის განცხადებით, უკრაინაში რუსეთის სრულმასშტაბიანი შეჭრის შემდეგ კიევმა 2238 უკრაინელი ტყვე დაიბრუნა
უკრაინაში რუსეთის სრულმასშტაბიანი შეჭრის შემდეგ, ოფიციალურმა კიევმა 2238 უკრაინელი ტყვეს გათავისუფლება შეძლო. ამის შესახებ უკრაინის პრეზიდენტმა ვოლოდიმირ ზელენსკიმ ჟიტომირში გამართულ პრესკონფერენციაზე განაცხადა.
მისივე ინფორმაციით, გათავისუფლებულთა შორის 140 სამოქალაქო პირი იყო.
როგორც უკრაინის პრეზიდენტმა აღნიშნა ტყვეთა ძიებისა და გათავისუფლების გაერთიანებული ცენტრი არ წყვეტს მუშაობას არც დღისით და არც ღამით.
მისი თქმით, სპეციალისტები დაკავებულები არიან როგორც ტყვედ ჩავარდნილი სამხედროების ასევე ოკუპანტების მიერ გატაცებული სამოქალაქო პირების გათავისუფლების საკითხით.
ამასთან, ზელენსკის განცხადებით, ოკუპანტების მხრიდან ფართო გამოყენება აქვს წამებას, პირველ რიგში, ტყვედ ჩავარდნილი სამხედროების მიმართ.
