ორ ბირთვულ სახელმწიფოს - რუსეთსა და აშშ-ს შორის პირდაპირი სამხედრო დაპირისპირების რისკები მუდმივად იზრდება, - ამის შესახებ რუსეთის საგარეო საქმეთა სამინისტროს იარაღის გაუვრცელებლობისა და იარაღის კონტროლის დეპარტამენტის დირექტორმა, ვლადიმერ ერმაკოვმა განაცხადა.

„თუ აშშ გააგრძელებს რუსეთთან დაპირისპირების მიმდინარე კურსს, მაშინ ახალი START-ის [(სტრატეგიული იარაღის შემცირების] ხელშეკრულების ბედი შეიძლება წინასწარ გადაწყვეტილი აღმოჩნდეს. თუმცა, უარეს შემთხვევაში, ანუ თუ ვაშინგტონი ვითარებას ორ უძლიერეს ბირთვულ სახელმწიფოს შორის სამხედრო შეტაკებამდე მიიყვანს, მაშინ შემაშფოთებელი იქნება არა ახალი START-ის, არამედ მთელი მსოფლიოს ბედი”, - აღნიშნა ერმაკოვმა.

მისი თქმით, სიტუაციის გასაუმჯობესებლად, აშშ-მა დაუყოვნებლივ უნდა გადადგას „კონკრეტული ნაბიჯები დეესკალაციის კუთხით და უარი თქვას რუსეთის უსაფრთხოების შელახვისკენ მიმართულ კურსზე“.

„უარყოფითი ტენდენციის შესაცვლელად სხვა გზა უბრალოდ არ არსებობს“, - აღნიშნა ერმაკოვმა.