ანა ნაცვლიშვილი - IRI-ის კვლევის შედეგები აჩვენებს, რომ ხელისუფლების ცვლილება უალტერნატივოა - ვემზადებით, რომ ხელისუფლება შეიცვალოს, დემოკრატიული, პროდასავლური ძალებით
IRI-ის კვლევის შედეგები აჩვენებს, რომ ხელისუფლების ცვლილება უალტერნატივოა -ვემზადებით, რომ ხელისუფლება შეიცვალოს, დემოკრატიული, პროდასავლური ძალებით, - ასე აფასებს IRI-ის კვლევის შედეგებს „ლელოს“ ერთ-ერთი ლიდერი, ანა ნაცვლიშვილი.
მისივე თქმით, საზოგადოებას სჭირდება, რომ დაინახოს ცალკე აღებული ძლიერი პოლიტიკური აქტორები, რომლებსაც შეუძლიათ კონკრეტული საკითხების და თემების ირგვლივ თანამშრომლობა
„საზოგადოება კარგად გრძნობს, რომ ამ ხელისუფლების ცვლილებას ალტერნატივა არ გააჩნია. ქვეყანა რომ გადარჩეს, სამშვიდობოს გავიდეს და განვითარდეს, ალტერნატივა არ აქვს. ხელისუფლების შეცვლას ალტერნატივა არ აქვს, ეს უნდა მოხდეს არჩევნებზე. ჩვენ ვემზადებით იმისთვის, რომ ხელისუფლება შეიცვალოს, დემოკრატიული, პროდასავლური ძალებით. კვლევის შედეგები აჩვენებს, რომ უალტერნატივოა ხელისუფლების ცვლილება. ამასთან, აჩვენებს, რომ საზოგადოებას სჭირდება დაინახოს ცალკე აღებული ძლიერი პოლიტიკური აქტორები, რომლებსაც შეუძლიათ კონკრეტული საკითხების და თემების ირგვლივ თანამშრომლობა და ძალისხმევის მობილიზება", - აღნიშნავს ნაცვლიშვილი.
