გამოთქვა მზაობა, რომ დაგვეხმარება, გაგვიზიაროს ევროპული ქვეყნების საუკეთესო გამოცდილება და ჩვენი ქართველი ექიმები გადაამზადოს ამ მიმართულებით, - ამის შესახებ აქონდროპლაზიის დიაგნოზის მქონე ბავშვის დედამ, ლია შავიშვილმა საქართველოს პრეზიდენტთან, სალომე ზურაბიშვილთან შეხვედრის შემდეგ განაცხადა.

ლია შავიშვილის თქმით, პრეზიდენტის დაპირება აქონდროპლაზიით დაავადებულთა დედებისთვის ძალიან დიდი მხარდაჭერაა.

„ქალბატონ სალომეს ვუთხრით ჩვენი მდგომარეობის შესახებ. მან იცოდა ეს ამბავი და გვითხრა, რომ ამ ხნის განმავლობაში თვალ-ყურს გვადევნებდა და გამოთქვა მზადყოფნა, იმის გამო, რომ გუშინ პრემიერის მიერ იყო დასახელებული, რომ თანხა არ არის პრობლემა, ბიუჯეტში არის საჭირო თანხა და საჭიროა კიდევ უფრო მეტად დარწმუნება, რომ ეს მედიკამენტი არის საკმაოდ ეფექტური, ის დაგვეხმარება, გაგვიზიაროს ევროპული ქვეყნების საუკეთესო გამოცდილება და ჩვენი ქართველი ექიმები გადაამზადოს ამ მიმართულებით და კიდევ უფრო მეტი აქტივობა გავაკეთოთ იმისთვის, რომ რაც შეიძლება სწრაფად და დროულად, გაკეთდეს და დაიწეროს ეროვნული გაიდლაინი, პროტოკოლი, რომელშიც ჩართული იქნებიან ევროპის მოწინავე ქვეყნები და გაზიარებული იქნება მათი გამოცდილება. ეს ჩვენთვის არის ძალიან დიდი მხარდაჭერა იმისთვის, რომ დაჩქარდეს მოვლენები, შეიქმნას დროულად ეროვნული პროტოკოლი და როგორც მინისტრის დაპირება იყო, დროულად შემოვიდეს ეს მედიკამენტი საქართველოში“, - განაცხადა ლია შავიშვილმა.