სემეკთან არსებული ენერგეტიკის სასწავლო ცენტრი ახალ სასწავლო კურსს იწყებს თემაზე - „ელექტროენერგეტიკის რეგულირება საქართველოში“. ამის შესახებ ინფორმაციას სემეკი ავრცელებს.

მათივე ცნობით, სასწავლო კურსი განკუთვნილია სხვადასხვა პროფესიის წარმომადგენლებისთვის, რომლებიც დაინტერესებულნი არიან ელექტროენერგეტიკის, ენერგეტიკული პოლიტიკის, ახალი ენერგეტიკული ბაზრების და მომხმარებელთა უფლებების დაცვის საკითხებით.

„კურსის ფარგლებში ტრენინგებს ჩაატარებენ საქართველოს ენერგეტიკისა და წყალმომარაგების მარეგულირებელი ეროვნული კომისიის, საქართველოს ენერგეტიკული ბირჟის, საქართველოს სახელმწიფო ელექტროსისტემის წარმომადგენლები. კურსზე რეგისტრაციის ბოლო ვადაა მიმდინარე წლის 11 მაისი, 18:00 საათი.

დამატებითი ინფორმაცია განთავსებულია ბმულზე: https://entc.ge/ka/news/regulation_registration“, - ნათქვამია ინფორმაციაში.