ლევან ბეჟაშვილი - ოპოზიციას ეყოლება საკმარისი რაოდენობა დეპუტატების, რომ უზრუნველვყოთ სასამართლოსთან დაკავშირებით საგამოძიებო კომისიის საკითხის გადაწყვეტა

საპარლამენტო ოპოზიციას ეყოლება საკმარისი რაოდენობა დეპუტატების, რომ უზრუნველვყოთ სასამართლოსთან დაკავშირებით საგამოძიებო კომისიის საკითხის გადაწყვეტა, იმავდროულად შეეცდება დღის წესრიგში სხვა საკითხებიც გააჩინოს, - ამის შესახებ "ნაციონალური მოძრაობის" დეპუტატმა ლევან ბეჟაშვილმა განაცხადა.

როგორც მან აღნიშნა, ყველაზე მნიშვნელოვანი საკითხი არის სასამართლოსთან დაკავშირებული საგამოძიებო კომისია.

„არის რუსეთის ფედერაციის სამართალდამცავ ორგანოებთან ჩვენი სპეცსამსახურების თანამშრომლობის თაობაზე საგამოძიებო კომისია, რომელიც თავის დროზე ინიცირებულია „ლელოს" მიერ, ასევე "ქოლ - ცენტრების" საკითხზე არსებობს მაღალი საზოგადოებრივი ინტერეს და ჩვენ მხარს დავუჭერთ ამ საკითხის განხილვას და მიღებას. ერთი სიტყვით მობილიზებული იქნება საპარლამენტო ოპოზიცია, რათა უზრუნველვყოთ ამ საკითხების განხილვა და მიღება. ნომერი პირველი ამ საკითხებში არის სასამართლო "კლანთან" დაკავშირებით საგამოძიებო კომისიის შექმნა. სამწუხაროა, რომ "ქართული ოცნება" ბოიკოტს უცხადებს სახელმწიფო ინსტიტუციას, ეს წარმოუდგენელი და მიუღებელია", - განაცხადა ბეჟაშვილმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის