დმიტრო კულება  - გაზაფხულის კონტრიერიშის ერთადერთი მიზანი უკრაინის ტერიტორიის გათავისუფლებაა

გაზაფხულის კონტრიერიშის ერთადერთი მიზანი უკრაინის ტერიტორიის გათავისუფლებაა. ამის შესახებ უკრაინის საგარეო საქმეთა მინისტრმა დმიტრო კულებამ იტალიურ ტელეარხ Sky Tg24-თან საუბარში განაცხადა.

“გაზაფხულზე იქნება კონტრიერიში, მაგრამ როდის - არ ვიტყვი. ვემზადებით. ერთადერთი მიზანი უკრაინის ტერიტორიის გათავისუფლებაა, ჩვენ ტერიტორიას გავათავისუფლებთ”, - განაცხადა კულებამ.

მან ასევე კომენტარი გააკეთა ხერსონთან იტალიური გამოცემა La Repubblica-ს ჟურნალისტის კორადო ზუნინოს დაბომბვის შედეგად დაჭრასთან დაკავშირებით.

“როგორც კი გავიგე ამ საზარელი მოვლენის შესახებ, ჩვენ სამხედროებს დავუკავშირდი, რომლებმაც საქმის დეტალები მითხრეს. ისინი ჟურნალისტს დაუკავშირდნენ და გააკეთებენ ყველაფერს შესაძლებელს, რათა დაეხმარონ მას”, - აღნიშნა კულებამ.

გარდა ამისა, მან უკრაინის პრეზიდენტ ვოლოდიმირ ზელენსკისა და ჩინეთის პრეზიდენტ სი ძინპინს შორის გამართული საუბრის მნიშვნელობას გაუსვა ხაზი.

“ჩინეთს მნიშვნელოვანი როლის შესრულება შეუძლია. დიდი პატივისცემა არსებობს ტერიტორიული მთლიანობისადმი, ჩინეთმა დაადასტურა ტერიტორიული მთლინობისადმი მისი მყარი ერთგულება”, - განაცხადა კულებამ.

ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 19.02.2024
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ
Gulf+ ახალი თვითმომსახურების სადგურები „გალფისგან“
კრედო ბანკსა და აზიის განვითარების ბანკს შორის აგრო მეწარმეების მხარდასაჭერად 65 მილიონი ლარის მოცულობის გარიგებას მოეწერა ხელი