მარიამ ქვრივიშვილი - სამ თვეში საქართველომ 1 200 000-ზე მეტ საერთაშორისო მოგზაურს უმასპინძლა - პირველი კვარტლის მონაცემებით, ტურისტული ვიზიტები 95%-ით სრულად აღდგა

ეკონომიკისა და მდგრადი განვითარების მინისტრის მოადგილის, მარიამ ქვრივიშვილის განცხადებით, 2023 წლის პირველი კვარტლის მონაცემებით, ტურისტული ვიზიტები 2019 წლის ანალოგიურ პერიოდთან შედარებით, 95%-ით სრულად აღდგა.

მისი თქმით, მიმდინარე წლის სამ თვეში საქართველომ 1 200 000-ზე მეტ საერთაშორისო მოგზაურს უმასპინძლა.

„რა თქმა უნდა, პირველ რიგში, ძალიან სასიხარულო და საამაყოა ის, რომ ჩვენი ქვეყნისადმი ინტერესი და მოთხოვნა კვლავ მზარდია. ჩვენ ვხედავთ, რომ ჩვენი ქვეყნის ტურიზმის ინდუსტრია ძალიან დადებითი დინამიკით, ფაქტობრივად, უკვე სრულად დაუბრუნდა პოსტპანდემიურ მაჩვენებელს. პირველი კვარტლის მონაცემებით, ჩვენმა ქვეყანამ უმასპინძლა 1 200 000-ზე მეტ საერთაშორისო მოგზაურს, რაც ნიშნავს იმას, რომ ტურისტული ვიზიტები პირველი კვარტლის მონაცემებით, 95%-ით უკვე სრულად აღდგა, თუკი შევადარებთ 2019 წლის ანალოგიურ მაჩვენებელს. მოლოდინები გვაქვს, რომ ჩვენი ქვეყნის ტურიზმის და ავიაციის ინდუსტრიაში წელს განსაკუთრებით წარმატებული წელი იქნება," - განაცხადა მარიამ ქვრივიშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?