საქართველოს პროკურატურის საგამოძიებო დანაყოფების და საერთაშორისო ურთიერთობის დეპარტამენტის ხელმძღვანელები ამერიკის შეერთებული შტატების ხაზინის დეპარტამენტის წარმომადგენლებს შეხვდნენ.

როგორც პროკურატურის მიერ გავრცელებულ ინფორმაციაშია აღნიშნული, შეხვედრაზე პროკურატურის წარმომადგენლებმა, სტუმრებს პროკურატურის საგამოძიებო მიმართულებები, მიღწევები და არსებული გამოწვევები დეტალურად გააცნეს.

მათივე ცნობით, ამერიკელი კოლეგები საქართველოს პროკურატურის, როგორც ქვეყანაში კორუფციული და ფულის გათეთრების დანაშაულების გამოძიებისა და სისხლისსამართლებრივი დევნის მწარმოებელი უწყების, საქმიანობით დაინტერესდნენ, რასთან დაკავშირებითაც საქართველოს პროკურატურის წარმომადგენლებმა მათ დეტალური და ამომწურავი ინფორმაცია გაუზიარეს.

„შეხვედრაზე ასევე საუბარი შეეხო კრიპტოვალუტის გამოყენებით ჩადენილი ტრანსნაციონალური დანაშაულის გამოძიების პროცესში არსებულ გამოცდილებებსა და გამოწვევებს. ამ მიმართულებით, ამერიკის შეერთებული შტატების ხაზინის დეპარტამენტის წარმომადგენლებმა ქართველ კოლეგებს მნიშვნელოვანი გამოცდილება გაუზაირეს.

შეხვედრის დასასრულს, მხარეები მომავალში ურთიერთთანამშრომლობაზე შეთანხმდნენ,“ - აღნიშნულია გავრცელებულ ინფორმაციაში.

https://pog.gov.ge/news/saqarTvelos-prokuraturis-warmomadgenlebi-amerikis-sheerTebuli-shtatebis-xazinis-departamentis-warmom