ქუთაისის საერთაშორისო აეროპორტს Wizz Air-ის ახალი ბაზირებული ხომალდები და ახალი ევროპული მიმართულებები ემატება.

როგორც ტურიზმის ადმინისტრაციის ხელმძღვანელმა, მაია ომიაძემ განაცხადა, თითოეული ახალი ხომალდი ნიშნავს ახალ მოგზაურს საქართველოში, რაც ჩვენი ქვეყნისთვის განსაკუთრებით მნიშვნელოვანია.

„ქუთაისის საერთაშორისო აეროპორტში Wizz Air-ის მეოთხე ბაზირებული ხომალდის დამატება ნამდვილად აღსანიშნავი საკითხია. ზაფხულში მესამე ბაზირებული ხომალდიდან 5 ახალი მიმართულება დაემატება, ასევე გაიზრდება სიხშირეები, რაც იმას ნიშნავს, რომ ბევრად მეტი ტურისტი ჩამოვა. თითოეული ახალი ხომალდი ნიშნავს ახალ მოგზაურს საქართველოში, რაც ჩვენი ქვეყნისთვის განსაკუთრებით მნიშვნელოვანია. ზაფხულის სეზონზე ბევრად მეტ ტურისტს ველოდებით. ვფიქრობთ, რომ განსაკუთრებული და კარგი სეზონი გვექნება“, - განაცხადა მაია ომიაძემ.

აღსანიშნავია, რომ დღეს ცნობილი გახდა, რომ ქუთაისის საერთაშორისო აეროპორტში Wizz Air მეოთხე ბაზირებულ ხომალდს დაამატებს და ქუთაისსა და კოპენჰაგენს შორის იფრენს.

ინფორმაციას ტურიზმის ეროვნული ადმინისტრაცია ავრცელებს.