ჩინეთის საგარეო მინისტრი ვოლოდიმირ ზელენსკისა და სი ძინპინის საუბარზე - ეს არის კრიზისის პოლიტიკური დარეგულირებისკენ გადადგმული მნიშვნელოვანი ნაბიჯი
ჩინეთის პრეზიდენტ სი ძინპინსა და მის უკრაინელ კოლეგას, ვლადიმერ ზელენსკის შორის სატელეფონო საუბარი უკრაინის კრიზისის პოლიტიკური მოგვარებისკენ ჩინეთის მიერ გადადგმული მნიშვნელოვანი ნაბიჯია, - მედიის ინფორმაციით, ამის შესახებ ჩინეთის საგარეო საქმეთა მინისტრმა ცინ განმა განაცხადა.
„პრეზიდენტმა სი ძინპინმა პრეზიდენტ ვოლოდიმირ ზელენსკისთან სატელეფონო საუბარი გამართა. მხარეებს პირდაპირი კომუნიკაცია ჰქონდათ. ეს არის ჩინეთის მიერ გადადგმული მნიშვნელოვანი ნაბიჯი უკრაინის კრიზისის პოლიტიკური დარეგულირების ხელშეწყობისთვის“, - აღნიშნა ჩინეთის საგარეო უწყების ხელმძღვანელმა.
მისი თქმით, ლიდერებს შორის საუბარმა „კიდევ ერთხელ აჩვენა ჩინეთის თანმიმდევრული პოზიცია, რომელიც მიმართული მშვიდობისა და მოლაპარაკებების ხელშეწყობისკენ“.
ცნობისთვის, გუშინ, უკრაინისა და ჩინეთის პრეზიდენტებმა ტელეფონით ისაუბრეს. ვოლოდიმირ ზელენსკის განცხადებით, ერთსაათიანი საუბრის დროს ორმხრივი ურთიერთობების აქტუალური საკითხების მთელი კომპლექსი განიხილეს. განსაკუთრებული ყურადღება კი უკრაინისთვის სამართლიანი და მყარი მშვიდობის დამყარებისთვის შესაძლო ურთიერთქმედების გზებზე გაამახვილეს.
