29 აპრილს, აქონდროპლაზიის დიაგნოზის მქონე ბავშვების მხარდასაჭერად მთავრობის ადმინისტრაციიდან რუსთაველის გამზირისკენ მსვლელობა გაიმართება

საქართველოს მთავრობის ადმინისტრაციასთან აქონდროპლაზიის დიაგნოზის მქონე ბავშვების მშობლების მორიგი აქცია მიმდინარეობს.

ერთ-ერთი მშობლის, ქეთი ბეგიაშვილის განცხადებით, მთავრობის ადმინისტრაციიდან რუსთაველის გამზირისკენ მსვლელობა 29 აპრილს, 15:00 საათზე გაიმართება.

„ჩვენი გულისტკივილი და დაუღალავი წვალება გაგრძელდება მანამ, სანამ მედიკამენტ "ვოზორიტიდის" საქართველოში შემოტანის კონკრეტული ვადები არ იქნება ცნობილი და ამის განკარგულების აქტს თვითონ პრემიერი არ მოაწერს ხელს. მსვლელობა შაბათს გაგრძელდება, სამ საათზე კანცელარიასთან შევიკრიბებით, მოვლენ აქონდროპლაზიით დაავადებული ბავშვები და თავად მიმართავენ პრემიერს“, - განაცხადა ქეთი ბეგიაშვილმა.

გარდა ამისა, ქეთი ბეგიაშვილის თქმით, საქართველოს პრეზიდენტ სალომე ზურაბიშვილთან შეხვედრა მშობლებისთვის დამაიმედებელი იყო.

„ეს ნაბიჯი ჩვენთვის დამაიმედებელი იყო, რადგან პრეზიდენტი ჩვენ მიმართ ძალიან კეთილგანწყობილი იყო, როდესაც შევხვდით. მივესალმებით იმას, რომ მან ჩვენ შესახებ ინფორმაცია უშუალოდ მინისტრისგან კიდევ გამოითხოვა“, - განაცხადა ქეთი ბეგიაშვილმა.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას