კავკასიის საერთაშორისო უნივერსიტეტში საფრანგეთში საქართველოს ელჩის საჯარო ლექცია თემაზე: „საქართველო-საფრანგეთის ურთიერთობების დინამიკა“ გაიმართა
კავკასიის საერთაშორისო უნივერსიტეტში საფრანგეთში საქართველოს საგანგებო და სრულუფლებიანი ელჩის, იუნესკოში საქართველოს მუდმივი წარმომადგენლის, გოჩა ჯავახიშვილის საჯარო ლექცია თემაზე: „საქართველო-საფრანგეთის ურთიერთობების დინამიკა“ გაიმართა.
კავკასიის საერთაშორისო უნივერსიტეტის ცნობით, სპიკერმა საქართველო-საფრანგეთის ურთიერთობების ისტორიული ასპექტები, ქვეყნებს შორის არსებული თანამედროვე პოლიტიკური გამოწვევები და შესაძლებლობები მიმოიხილა.
„აღინიშნა საფრანგეთის განსაკუთრებული როლი საქართველოს ევროკავშირში ინტეგრაციის მიმართულებით, ასევე ახალგაზრდებისთვის არსებული პერსპექტივები საფრანგეთში სწავლისა და კვლევის მიმართულებით.
ლექციას მოდერატორობას კავკასიის საერთაშორისო უნივერსიტეტის რექტორის მრჩეველი, გიორგი ფარეშიშვილი უწევდა.
ლექციის დაწყებამდე ელჩი კავკასიის საერთაშორისო უნივერსიტეტის კანცლერს, ვახტანგ წივწივაძეს შეხვდა“, - ნათქვამია ინფორმაციაში.
