ამერიკის შეერთებულ შტატებში, ალასკაში, საწვრთნელი მისიის დროს ორი ვერტმფრენის ჩამოვარდნის შედეგად სამი ამერიკელი ჯარისკაცი დაიღუპა.

მედიის ინფორმაციით, ორი ჯარისკაცი ადგილზე გარდაიცვალა, მესამე კი საავადმყოფოსკენ მიმავალ გზაზე.

ამასთან, შემთხვევის შედეგად კიდევ ერთი ჯარისკაცი დაშავდა. ორი AH-64 Apache ტიპის ვერტმფრენი ქალაქ ჰელის მახლობლად ჩამოვარდა.

„ინციდენტზე გამოძიება მიმდინარეობს და დამატებითი ინფორმაცია მოგვიანებით გავრცელდება“, - ნათქვამია მე-11 საჰაერო სადესანტო დივიზიის მიერ გავრცელებულ განცხადებაში.