2023 წლის პირველ კვარტალში საქართველოს ნავსადგურებში ჯამურად გადამუშავებულ იქნა - 147 973 TEU, რაც 2022 წლის ანალოგიურ პერიოდთან მიმართებით 46%-იან მატებაა.

ამის შესახებ ინფორმაციას საზღვაო ტრანსპორტის სააგენტო ავრცელებს.

მათივე ცნობით, აღსანიშნია, რომ ფოთის ნავსადგურში, მარტში დაფიქსირებული მაჩვენებელი - 52 475 TEU აჭარბებს 2019 წელს დაფიქსირებულ რეკორდულ მაჩვენებელს - 51 272 TEU.

„წინა წლის ანალოგიურ პერიოდთან შედარებით, 31%-იან ზრდა გვაქვს გენერალური ტვირთების მიმართულებითაც: 2023 წლის პირველ სამ თვეში ბათუმისა და ფოთის ნავსადგურებში გენერალურმა ტვირთმა 1 229 548 ტონა შეადგინა. აქედან, ბათუმში გადამუშავდა 107 176 ტონა, ფოთში - 115 589 ტონა.

საქართველოს ნავსადგურებში 39%-ით შემცირებულია ნავთობისა და ნავთობპროდუქტების რაოდენობა, რაც 1 190 301 ტონაა. ეს განპირობებულია ბაქო-სუფსის მილსადენის ფაქტორით, შესაბამისად სუფსის ნავთობტერმინალს 2022 წლის აპრილიდან აღარ მიუღია გემები (ამ პერიოდის განმავლობაში მხოლოდ 2 გემი დამუშავდა 2023 წლის თებერვალში).

წინა წელთან შედარებით, 23%-იანი კლების მაჩვენებელი ფიქსირდება ასევე ნაყარი ტვირთების კუთხითაც, რომლის რაოდენობამ ფოთისა და ბათუმის ნავსადგურებში 917 706 ტონა შეადგინა. თუმცა ზოგადი კლების მიუხედავად, ბათუმში ნაყარი ტვირთის მოცულობა შენარჩუნდა (ბათუმი - 325 368 ტონა) და შარშანდელთან შედარებით 0.5%-ით კი გაიზარდა. აქვე, ის ფაქტიც გასათვალისწინებელია, რომ 2022 წელს, წინა წელთან შედარებით, ნაყარი ტვირთების 112%-იანი ზრდა გვქონდა“,- ნათქვამია საზღვაო ტრანსპორტის სააგენტოს ინფორმაციაში.