ჯინ შაჰინი არ არის კარგად ინფორმირებული - მის შეფასებებს კატეგორიულად ვერ დავეთანხმები,- ასე ეხმიანება ადამიანის უფლებათა კომიტეტის თავმჯდომარე მიხეილ სარჯველაძე სენატორ ჯინ შაჰინის განცხადებას, რომ საქართველოს მთავრობა ავტოკრატიისკენ მიდის.

სარჯველაძის თქმით, მსგავსი განცხადებები არ ჰგონია, რომ დრამატულად უნდა მივიღოთ.

„ჩემი აზრით ქალბატონი ჯინ შაჰინი არ არის კარგად ინფორმირებული საქართველოში მიმდინარე პროცესების თაობაზე, ამით უნდა აიხსნას გაკეთებული შეფასებები, რომელსაც კატეგორიულად ვერ დავეთანხმები. გაცილებით მეტია საქართველოში თავისუფლების ხარისხი, ვიდრე ეს შეიძლება ოდესმე ყოფილიყო ბოლო ათწლეულებში ჩვენს სახელმწიფოში, აქედან გამომდინარე, ეს შეფასება კატეგორიულად მიუღებელია. ეს აიხსნება იმით, რომ არ არის სწორად ან სრულად ინფორმირებული არსებული ვითარების შესახებ. ცხადია, არ მაქვს საფუძველი გამოვთქვა ვარაუდი რომ შეგნებულად არასწორ ინფორმაციას ავრცელებს“, - განაცხადა სარჯველაძემ.