საქართველოს პარლამენტის ეროვნული ბიბლიოთეკის ინფორმაციით, ბიბლიოთეკის დირექტორი გიორგი კეკელიძე ორი უმნიშვნელოვანესი საერთაშორისო ბრენდის, Mastercard-ის და Viber-ის წარმომადგენლებს ესაუბრა.

მათივე ცნობით, შედეგად მიღწეულია შეთანხმება, რომლის თანახმადაც ეს ბრენდები ეროვნული ბიბლიოთეკის პარტნიორები გახდებიან და თანამშრომლობა მაისიდან დაიწყება. გიორგი კეკელიძის თქმით, კომპანიებს წინ დიდი და მნიშვნელოვანი გეგმები აქვთ.

„ძალიან მნიშვნელოვანი ამბავი: მაისში ეროვნული ბიბლიოთეკის პარტნიორები და მხარდამჭერები საერთაშორისო ბრენდები Mastercard და Viber ხდებიან. წინ დიდი და მნიშვნელოვანი გეგმები გვაქვს. ამ კომპანიებთან თანამშრომლობას იწყებს LIB.GE -ს lib-აკადემიაც“, - აღნიშნა გიორგი კეკელიძემ.