უმანში დაბომბვის შედეგად დაღუპულთა რაოდენობა 14-მდე გაიზარდა, მათ შორის ორი ბავშვია
ჩერკასის ოლქის ქალაქ უმანში რუსული სარაკეტო იერიშის შედეგად მინიმუმ 14 ადამიანი დაიღუპა, 18 კი დაშავდა, - ამის შესახებ უკრაინის შინაგან საქმეთა მინისტრმა, იგორ კლიმენკომ განაცხადა.
“ნანგრევებიდან ახლახან ამოიყვანეს კიდევ 2 ადამიანის ცხედარი. ამ დროისთვის, მაღალსართულიან შენობაზე სარაკეტო თავდასხმის შედეგად 14 ადამიანია დაღუპული”, - აღნიშნა მინისტრმა.
ჩერკასის ოლქის გუბერნატორის, იგორ ტაბურეცის განცხადებით, დაღუპულთა შორის ორი 10 წლის ბავშვია. ამასთან, ან დროისთვის არსებული მონაცემებით, მაშველებმა 17 ადამიანის, მათ შორის 3 ბავშვის გადარჩენა შეძლეს. სამძებრო-სამაშველო ოპერაცია გრძელდება.
შეგახსენებთ, რუსულმა ძალებმა დღეს დილით უკრაინის ტერიტორიაზე სარაკეტო თავდასხმა განახორციელეს. ქალაქ დნეპრის დაბომბვას ახალგაზრდა ქალი და 3 წლის ბავშვი ემსხვერპლა. უკრაინის შეიარაღებული ძალების მთავარსარდლის, ვალერი ზალუჟნის ინფორმაციით, უკრაინის საჰაერო თავდაცვის ძალებმა რუსების მიერ გაშვებული Х-101 და Х-101 ტიპის 23 ფრთოსანი რაკეტიდან 21 გაანადგურეს და ორი დრონი ჩამოაგდეს.
This is a modal window.
v-if="article.gallery" v-html="article.gallery"
