მამუკა ყურაშვილი - ძალიან სასიამოვნოა, რომ ერთხელ და სამუდამოდ გამოიკვეთა დამნაშავე, ტერორისტი მხარე, რომელსაც არანაირი ფასეულობები არ გააჩნია
„ერთიანი ნაციონალური მოძრაობის“ წევრის, მამუკა ყურაშვილის განცხადებით, ქართული სიმართლე ყოველდღიურად მტკიცდება სტრასბურგის გადაწყვეტილებებით და „კიდევ ბევრი კარგი სიახლე გველოდება წინ“.
მისი თქმით, ერთხელ და სამუდამოდ გამოიკვეთა დამნაშავე, ტერორისტი მხარე, რომელსაც არანაირი ფასეულობები არ გააჩნია.
„სამწუხაროდ, ძალიან დიდი დრო დასჭირდა ამ ყველაფერს. ქართული სიმართლე ყოველდღიურად მტკიცდება სტრასბურგის გადაწყვეტილებებით. ძალიან სასიამოვნოა, რომ ერთხელ და სამუდამოდ დამნაშავე მხარე გამოიკვეთა, ტერორისტი მხარე, რომელსაც არანაირი ფასეულობები არ გააჩნია. პირველი მსხვერპლი ამ ყველაფრის იყო საქართველო, უკრაინა არის გაგრძელება და კიდევ ბევრი სიახლე იქნება ამასთან დაკავშირებით,“ - განაცხადა მამუკა ყურაშვილმა.
ცნობისთვის, ადამიანის უფლებათა ევროპულმა სასამართლომ რუსეთს საქართველოსთვის, 2008 წლის აგვისტოს ომის შედეგად ადამიანის უფლებების ევროპული კონვენციის დარღვევებისა და მოქალაქეებისთვის მიყენებული ზარალისთვის კომპენსაციის სახით 129 მილიონ ევროზე მეტის გადახდა დააკისრა.
