გრიგოლ რობაქიძის სახელობის უნივერსიტეტში, სამართლის სკოლის მოწვევით, სამართლის დოქტორის, პროფესორის, მკვლევარისა და მეცნიერის, ზვიად გაბისონიას საჯარო ლექცია გაიმართა.

გრიგოლ რობაქიძის სახელობის უნივერსიტეტის ინფორმაციით, სტუდენტებთან საჯარო ლექციაზე განხილული თემა იყო - „სამართლის მომავალი და სამართლის ახალი დარგების წარმოშობა“.

„მოწვეულმა პროფესორმა სტუდენტებთან მიმოიხილა ტექნოლოგიების წარმოშობის ისტორია, მისი როლი საზოგადოებრივ ცხოვრებაში, თანამედროვე ტექნოლოგიების შესაძლებლობები და პერსპექტივები. ისაუბრა ტექნოლოგიების სამართლის, კერძოდ, ბლოკჩეინტექნოლოგიების სამართლისა და ხელოვნური ინტელექტის სამართლის შესახებ, დაახასიათა მისი განვითარების ეტაპები.

შეხვედრის დასასრულს ზვიად გაბისონიამ უპასუხა სტუდენტების მიერ დასმულ რიტორიკულ შეკითხვას: თანამედროვე ტექნოლოგიები - საფრთხე თუ შესაძლებლობები? და განმარტა მისი სამართლებრივი რეგულირების პრინციპები. ლექციამ სტუდენტების დიდი მოწონება და დაინტერესება გამოიწვია. რექტორის მოადგილემ გიორგი მირიანაშვილმა პროფესორს სტუმრობისა და საინტერესო ლექციისათვის მადლობა გადაუხადა“,- ნათქვამია ინფორმაციაში.