მარიამ ქვრივიშვილმა საავიაციო უნივერსიტეტის სტუდენტებს სამოქალაქო ავიაციის სააგენტოში პროფესიული პრაქტიკული კურსის დასრულების სერტიფიკატები გადასცა

ეკონომიკისა და მდგრადი განვითარების მინისტრის მოადგილე მარიამ ქვრივიშვილმა და სამოქალაქო ავიაციის სააგენტოს დირექტორმა გივი დავითაშვილმა საქართველოს სამოქალაქო უნივერსიტეტის სტუდენტებს, რომლებმაც სამოქალაქო ავიაციის სააგენტოში პროფესიული პრაქტიკული კურსი წარმატებით დაასრულეს, სერტიფიკატები გადასცეს.

ინფორმაციას ეკონომიკისა და მდგრადი განვითარების სამინისტრო ავრცელებს.

მათივე ცნობით, სამოქალაქო ავიაციის სააგენტოსა და საქართველოს საავიაციო უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, სასწავლო დაწესებულების საინჟინრო და ბიზნეს ადმინისტრირების ფაკულტეტების სტუდენტები სააგენტოში პროფესიული პრაქტიკულ კურსს ყოველწლიურად გადიან.

მინისტრის მოადგილემ სტუდენტებს პროფესიული პრაქტიკული კურსის წარმატებით დასრულება მიულოცა.

მისი თქმით, სამოქალაქო ავიაცია საქართველოს ეკონომიკის ერთ-ერთი ყველაზე მნიშვნელოვანი დარგია, რომელიც წარმატებით და სწრაფი ტემპებით ვითარდება.

„საავიაციო ბაზარზე ახალი ავიაკომპანიების შემოსვლა, საჰაერო მიმოსვლის დადებითი დინამიკა და მთელი ქვეყნის მასშტაბით აეროპორტების და სხვა საავიაციო ინფრასტრუქტურის განვითარება ზრდის ახალგაზრდა სპეციალისტების სექტორში დასაქმების პერსპექტივებს. სწორედ ამიტომ, მნიშვნელოვანია, რომ მიზნობრივი პროფესიული პრაქტიკების თუ სხვა ტიპის თანამშრომლობის ფორმატების შეთავაზებით, ხელს შევუწყობთ სტუდენტების მომზადებას შრომის ბაზრისთვის“, - განაცხადა მარიამ ქვრივიშვილმა.

ქვრივიშვილის თქმითვე, სამომავლოდ საავიაციო უნივერსიტეტის სტუდენტები პროფესიული პრაქტიკული კურსის გავლას სამოქალაქო ავიაციის სექტორის სხვა საჯარო უწყებებშიც შეძლებენ.

სააგენტოს დირექტორის გივი დავითაშვილის განცხადებით, სააგენტო აქტიურად არის ჩართული საავიაციო უნივერსიტეტის სტუდენტების პროფესიული მომზადების პროცესში.

„უნივერსიტეტთან გაფორმებული ურთიერთთანამშრომლობის მემორანდუმის ფარგლებში, წელს სტუდენტების მესამე ნაკადს ვუმასპინძლეთ. პრაქტიკა განხორციელდა სამოქალაქო ავიაციის ყველა მიმართულებით და მოიცავდა როგორც თეორიულ სწავლებას, ისე პრაქტიკულ ასპექტებს. სასწავლო პრაქტიკები მომავალშიც აქტიურად განხორციელდება“, - აღნიშნა გივი დავითაშვილმა.

სამოქალაქო ავიაციის სააგენტოში სტუდენტთა პროფესიული პრაქტიკა 14 მარტიდან 28 აპრილამდე მიმდინარეობდა. სწავლების ფარგლებში, სტუდენტები გაეცნენ უწყების საქმიანობას დარგის რეგულირების, ავიაკომპანიების ბაზარზე დაშვების, ავიასპეციალისტებისა და ავიასაწარმოების სერტიფიცირების და მათი ზედამხედველობის კუთხით.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას