29 აპრილს, ლისის ტბაზე, ფესტივალ "Bouquet Kyiv Stage"-ის ფარგლებში, ლისი დეველოპმენტის მხარდაჭერით, საქართველოსა და უკრაინის თავისუფლებისთვის მებრძოლი გმირების სახელობის პარკი გაიხსნა.

ლისი დეველოპმენტი აქტიურად არის ჩართული უკრაინელი ხალხის მხარდამჭერ აქტივობებში. ომის დაწყებიდან მალევე, კომპანიამ წითელ ჯვართან თანამშრომლობით, 22 ტონა ჰუმანიტარული ტვირთი გააგზავნა დაზარალებულთა ოჯახებისთვის.

კომპანია აქტიურად თანამშრომლობს უკრაინულ მოხალისეობრივ ჯგუფთან "Волонтерська ініціатива «Дитинство зараз»" და მათი დახმარებით ღონისძიებები გამართა ქალაქ ბელგოროდკა, გოსტომელსა და ირპენში უკრაინელი ბავშვებისათვის, რათა შეემსუბუქებინა ქვეყანაში შექმნილი რთული ემოციური ფონი.

კომპანია აგრძელებს მოძმე ქვეყნის გვერდით დგომას და ლისის ტბაზე მემორიალური პარკის გახსნით კიდევ ერთხელ პატივს მიაგებს სამშობლოს თავისუფლებისათვის მებრძოლ ქართველ და უკრაინელ გმირებს.

(R)