აშშ-ის პრეზიდენტის, ჯო ბაიდენის განცხადებით, ის ბევრს მუშაობს რუსეთში ჯაშუშობის ბრალდებით დაკავებული Wall Street Journal-ის ჟურნალისტის, ევან გერშკოვიჩის გასათავისუფლებლად. აღნიშნულის შესახებ ბაიდენმა თეთრი სახლის კორესპონდენტების სადილზე გააკეთა, რომელიც ყოველწლიურად იმართება.

მედიის ცნობით, ღონისძიებას გერშკოვიჩის ოჯახის წევრების ესწრებოდნენ, რომელთაც აშშ-ის პრეზიდენტმა განუცხადა, რომ ყველა მათ გვერდით დგას.

ბაიდენმა შეაქო ამერიკელი ჟურნალისტის "აბსოლუტური გამბედაობა" და მოსკოვს მისი დაუყოვნებლივი გათავისუფლებისკენ კიდევ ერთხელ მოუწოდა.

აშშ-ის პრეზიდენტის თქმით, ამერიკის მცდელობა, რომ ჟურნალისტი საკუთარ სახლში დაბრუნდეს, არ შეწყდება.

„ჩვენ ყოველდღე ვმუშაობთ, რათა მისი გათავისუფლება უზრუნველვყოთ“, - აღნიშნა ბაიდენმა.